Bached han ich als glernti Personalfachfrau eigentlich scho immer sehr gärn, so imene ganz eifache Rahme.

Wo sich mini Tochter im Mai 2020 en „Sky-Turtä“ gwünscht hät, bini dänn mal ufd Suechi wasme, wie chönnt mache. Tja, das hät mich dänn uf dä Gschmack brocht.

Es macht mir grosse Spass, Turtä z’bachä und z’dekoriere. Ich hamer i dere Ziit scho einiges a Wüsse chönne aeigne und bi jedere Turtä lerni nu meh dezue. Ganz nach em Motto: „learning by doing“

Ich finds uh schön zum a Mensche mitere ganz persönliche und individuell gstaltete Turtä en Freud z’bereite und sie demit chönne überrasche. Zwar hani nüd so i die richtig glernt, aber dennu schaffi mit absoluter Higab, Sorgfalt und Liebi fürs Detail.

Inzwüsche machi Turtenä nach Wunsch vermehrt au uf Uftrag und Afrag.